Að skapa

2011-03-21T12:46:00.000-07:00

Þessi mynd náðist af öllum hópnum mínum um jólin. Það voru allir samankomnir í sveitinni hjá mömmu á annan í jólum sem er árvisst að hittast.

Jólagjafir

2011-01-24T14:22:00.000-08:00

Mér tókst að prjóna nokkrar jólagjafi og eru myndirnar af þeim.
Ég hef aðalega verið að prjóna 2010. Nú er stefnan tekin á að prjóna sokka á fullu. Eignaðist bók sem heitir Sock Club og er tekin saman af Charlene Schurch og Beth Parrot

2010-04-05T08:33:00.001-07:00

Eitthvað á ég af myndum af prjóninu mínu. Þarna eru vettlingar sem Davíð Leó fékk og trefill fyrir Óla Magga. Svo er ég búin að prjóna fleirri sjöl og trefla og eitthvað af sokkum.... en ég er víst búin að gefa þetta áður en ég tek mynd af því.

2010-04-05T08:16:00.001-07:00

Það er best að halda áfram fyrst ég er byrjuð.
Ég gerði nokkur kort í Ölveri heldinga 26-28 mars.

Þetta eru bæði fermingakort og afmæliskort.

Annars er ég að prjóna og sauma út þessa stundina.

2010-04-05T08:07:00.000-07:00

Þá eru Páskarnir að líða undir lok. Ég hef nú ekki sett mikið hérna inn. Er þó alltaf eitthvað að gera í höndunum.

Ég prjónaði þetta sjal úr garni sem hún Ágústa spann og gaf mér.

Ég og fjöldksylda gáfum svo Ingu þetta í útskriftargjöf þegar hún útskrifaðist með framhaldsskólapróf úr blokkflautu.
Hún var með útskriftartónleika sem voru alveg dásamlegir og í lokin spilaði hún og börnin hennar eitt lag saman.

Skrapp

2008-09-22T16:39:00.000-07:00

Skrappprinsessan hún Kristín Viðja.

Þessi fékk önnur verðlaun í LO keppni í Ölver.

Við Inga og Kristín Viðja fórum í Ölver með skrappgrúppunni minni. Við fórum e. vinnu á fimmtudaginn og komum heim á sunnudaginn. Það var alveg frábært að komast og skrappa í góðra kvenna hópi. Ég hef ekki verið afkastamikil og var þetta góð lota. Gerði 5 síður (sem telst nú ekki mikið ) og var alsæl með afköstin. Gyða Björg og mamma voru með krakkaskottin á Stokkseyri því Venni var í L0ndon. Set með myndir af síðunum mínum.

2008-08-19T10:37:00.000-07:00

Hér kemur nýjasta barnabarnið. Kristín Viðja Vernharðsdóttir. Hún fæddist 24 júlí. Hún er þvílík dásemd (eins og öll hin) að ömmuhjartað er alveg að springa.

2008-08-19T10:32:00.000-07:00

Mér tókst loks að gera kort sem ég er sæmilega ánægð með. Er að æfa mig að nota prismalitina mína. Þeir eru æðislegir og ég kann vel við þá. Þarf bara meiri æfingu

Og hópurinn stækkar

2008-07-24T12:45:00.000-07:00

Það fæddist lítil prinsessa í nótt. Hún heitir Kristín Viðja Vernharðsdóttir og var um 15 merkur og 50 cm. Ég er ekki búin að sjá hana en stefni á austurferð um helgina.
Óli, Vala og Davíð Leó eru flutt á Keili. Óli er að fara í skólann og þau eru búin að fá íbúð. Ég fer í heimsókn til þeirra anna kvöld og fæ þá að knúsa litla karl. Læt hér fylgja mynd sem var tekin af hópnum mínum 31. maí í veislunni hans Davíðs Leó

Gyða og Loftur stúdentar

2008-07-12T06:30:00.000-07:00

Þá er elsku besta prinsessan mín hún Gyða Björg orðin stútent. Hún og Loftur voru að útskrifast frá Menntaskólanum Hraðbraut í dag. Elsku Gyða mín innilega til hamingju með þennan frábæra áfanga. Og þú Loftur minn líka. Læt fylgja myndir af þeim sem teknar voru í Bústaðakirkju e. útskriftina

2008-07-09T17:20:00.000-07:00

Ég er nú ekki sú duglegasta að koma einhverju á blað. En hér eru stóru stykkin mín sem ég hef sauma á einu ári. Ég byrjaði á því fyrsta í maí ´07 og lauk því síðasta um svipað leiti ´08.

Ég er líka búin að sauma ýmis smástykki sem ég er ekki með á þessum myndum.

Leikur

2008-05-30T17:48:00.001-07:00

Ég tók þátt í "pinkeep" skiptum sem er leikur hjá allt í kross.
Ég saumaði þennann og fór með til hennar Rósu Tom.
Það var afskaplega gaman að sauma þetta munstu og setja saman

Þetta er það sem ég fékk frá henni Aiste í leiknum. Ég er alsæl með það sem hún gerði fyrir mig.
Heil tvö stykki og færði mér blóm með. Takk fyrir mig Aiste.

Skærapúðar (Sissorsfob)

2008-03-26T16:58:00.000-07:00

Ég er búin að vera að sauma skærapúða að undaförnu. Hér eru myndir af þeim sem ég er búin að sauma. Er reyndar búin að gefa einn sem er eins og sá til hægri á myndinni

Krosssaumur

2008-03-23T06:14:00.001-07:00

Áskorun:
Það er búið að vera að skora á mig að ramma inn eitthvað af þessum stykkjum sem ég er að sauma. Lét ramma þessa inn. Hún er gjöf til vinkonu minnar. Vonandi verður stutt í að næsta verði römmuð inn

Kort

2008-03-23T05:58:00.000-07:00

Ég hef aðeins verið að dunda mér í kortagerð. Ekki eru nú afköstin til að hrópa húrra yfir en þetta er gaman.

Læt fylgja nokkrar myndir.

Kveðja

Bubba

Skírn

2008-03-23T05:31:00.000-07:00

Gleðilega páska.

Lilja Sóley var skírð í gær. Haldin var stór veisla í sveitinni hjá mömmu. Þvílík kjarnakona að standa í þessu. Siggi, Kata og Gyða (sem naut dyggrar aðstoðar Lofts) bökuðu (Kata var með heita rétti) fyrir veisluna og þvílíkar krásir, ég held að það hafi sko allir fundið eitthvað við sitt hæfi. Held að hátt í 60 manns hafi verið í veislunni.

Veðrið var ákjósanlegt og færðin góð nema vorholurnar í sveitaveginum. Vona að bílnum mínum hafi ekki orðið meint af.

Takk Siggi, Soffía og ekki síst mamma fyrir frábæra veislu

Davíð Leó

2008-02-05T11:31:00.000-08:00

Hér eru barnabörnin fjögur

Lilja Sóley með Gyðu langömmu

Hann Davíð Leó kom í heiminn í morgun kl. 11.07. Hann var tekin með keisara því Vala var með meðgöngueitrun. Hann var 1580gr. Ég fór að sjá þau og Vala mín er svolítið eftir sig. En Davíð Leó er í hitakassa. Óli minn er svoo stoltur pabbi.

Svo nú eru barnabörnin orðin fimm.

Lilja Sóley

2008-01-23T15:23:00.000-08:00

Litla prinsessan hjá ömmu sinni. Hún er nefnd Lilja Sóley. Þau komu heim um kvöldmataleitið. Hún er svo vær og yndisleg.

Amma.

2008-01-22T16:58:00.000-08:00

Þá er lítil dama komin í heiminn. Fæddist 22. janúar kl. 19,27. Öllum heilsast vel og dveljast í Hreiðrinu í nótt. Áætlunin er að þau komi heim á morgum og fær þá amman að knúsa þá litlu. Gyða frænka og Loftur fengu að heimsækja þau í kvöld . Ég var á skrapphittingi og var mjög gaman að fara að hittast aftur eftir jólin. Reyni að komast í mynd af litlu fjölskyldunni og setja hérna.

2008-01-17T15:07:00.000-08:00

Það hefur verið nóg að gera hjá mér. Það er von á þremur barnabörnum á árinu. Allir strákarnir eiga von á barni.

Siggi og Soffía giftu sig hjá fógeta 9. janúar.

Svo er bara að fara að undirbúa komu fyrista barnsins á þessu ári því að Soffía er sett á 1. febrúar.

að byrja

2008-01-13T07:09:00.000-08:00

Ég hef nú aldrei prófað að blogga áður einusinni er allt fyrst.

Ég ætlaði að taka þátt í leik sem Linda setti inn á bloggið sitt http://litlaskvis.wordpress.com/2008/01/08/pif-pay-it-forward/ en til þess þarf ég að vera með blogg.

Svo hér kemur ástæða þess að ég ætla að reyna að blogga í framtíðinni.

The first five of you that leave a comment here on this post requesting to participate will receive a handmade item from me. I will send it to you sometime this year In return, you will have to post in your blog that you are taking five names and you will gift those people in return. Interested?? Then leave a comment with your e-mail addy and I will contact you shortly!
I am so excited, this will be my first PIF and I can’t wait! I love making stuff for people. First come, first served. Please sign up!

Svo koma stelpur og vera með

Kveðja

Bubba